حملات فيسبوك وإنستجرام… بالكلام
من غير مدير الإعلانات ولا مصطلحاته. قول «عايز ناس من المعادي يبعتولي واتساب يحجزوا»، والمساعد يجهزلك الحملة كاملة: الهدف والجمهور والميزانية والإعلان. إنت تراجع وتوافق، وهو يشغّل.
تمام! جهزتلك حملة «رسايل من عملاء» على واتساب. راجعها:قول عايز إيه… والمساعد يختار الهدف الصح
«عايز ناس تتصل» يبقى هدف مكالمات، و«عايز أرقام عملاء» يبقى فورم، و«عايز الناس تعرفني» يبقى وصول. المساعد بيفهم كلامك ويختار هدف ميتا المناسب، وإنت تقدر تغيّره.
روّج بوست منشور، أو اعمل إعلان جديد
اختار بوست نجح على صفحتك وروّجه زي ما هو، أو اعمل إعلان جديد من تصميم أو ريل عملته في الاستوديو. المساعد يكتبلك نص الإعلان ورسالة الترحيب والأسئلة الجاهزة لو هدفك رسايل.
- زرار الإجراء المناسب: احجز الآن، اتصل الآن، اطلب الآن…
- رسالة ترحيب وأسئلة جاهزة للناس اللي هتكلمك
- فورم بالاسم والرقم والمدينة لو هدفك عملاء محتملين
ابتسامتك تستاهل تبقى أنصع ✨ خصم 30% على التبييض لحد آخر الشهر. ابعتلنا واتساب واحجز ميعادك.
مفيش جنيه بيتصرف من غير موافقتك
قبل ما أي إعلان يشتغل، بنوريك أقصى مبلغ ممكن يتصرف على الحملة كلها، وإنت توافق عليه بنفسك. والفلوس بتتخصم من حساب الإعلانات بتاعك على ميتا مباشرة، مش بتعدّي علينا.
- إيقاف مؤقت أو إنهاء الحملة في أي وقت بضغطة
- لو الأرقام اتغيّرت بعد موافقتك، بنسألك تاني
- الحملة بتظهر على التقويم بمدتها وصرفها
توافق على تشغيل الإعلان؟
- 200 ج.م في اليوم لمدة 7 أيام
- الإعلان هيشتغل أول ما ميتا توافق عليه
- تقدر توقفه في أي وقت
تابع النتيجة بالأرقام اللي تهمّك
مش مصطلحات: كام رسالة جاتلك، وكام واحد اتصل، والرسالة الواحدة كلّفتك كام. كل ده في صفحة الحملة، وتعدّل الميزانية أو توقّف من نفس المكان.
كل اللي ميتا بتسمح بيه… بلغة بسيطة
الجمهور بالمكان
مدن ومناطق ونطاق بالكيلومتر حواليها، والسن والنوع، أو سيب ميتا تلاقي الجمهور الأنسب بـAdvantage+.
أماكن الظهور
فيسبوك وإنستجرام وماسنجر والتطبيقات الشريكة، تلقائياً أو تختار بنفسك من الإعدادات المتقدمة.
المدة والميزانية
ميزانية يومية ومدة بالأيام، وأقصى صرف محسوب قدامك قبل ما توافق.
رسايل جاهزة للعملاء
رسالة ترحيب وأسئلة جاهزة على واتساب أو ماسنجر أو دايركت، مكتوبة للإعلان ده بالظبط.
فورم العملاء المحتملين
الاسم والرقم والإيميل والمدينة، والناس بتملاه من غير ما تسيب فيسبوك.
الفئات الخاصة
لو إعلانك عن سكن أو توظيف أو قروض، المساعد بيظبط الإعدادات اللي ميتا بتشترطها.
محتاج إيه عشان أبدأ؟
صفحة فيسبوك وحساب إعلانات على ميتا عليه وسيلة دفع، تربطهم من الإعدادات مرة واحدة. ولو عايز إعلانك يظهر على إنستجرام، اربط حساب إنستجرام كمان.
مين بيدفع تمن الإعلان؟
إنت، لميتا مباشرة، من حساب الإعلانات بتاعك. إحنا مش بنلمس فلوس الإعلانات خالص، والشات بس اللي بيتحسب بالكريدت: ربع كريدت للرسالة.
ممكن يتصرف أكتر من اللي وافقت عليه؟
لأ. أقصى صرف بيتحسب من الميزانية اليومية والمدة، وإنت بتوافق عليه قبل التشغيل. ولو الأرقام اتغيّرت بعدها، بنطلب موافقتك تاني.
الإعلان بياخد وقت قد إيه عشان يشتغل؟
بعد ما توافق، الإعلان بيروح لمراجعة ميتا، وغالباً بيشتغل خلال ساعات. حالة الحملة بتظهر قدامك أول بأول: في المراجعة، شغّال، متوقف، أو خلص.
أدوات شغالة مع بعض بنفس الهوية
جاهز تشوف براندك بشكل احترافي؟
ابدأ مجاناً في أقل من دقيقة بحساب جوجل، وخد كريدت هدية تجرّب بيه المصمم الذكي والمونتاج.
من غير بطاقة دفع · كريدت هدية عند التسجيل · مفيش اشتراك إجباري