بوستات سوشيال بهوية براندك… في محادثة واحدة
احكي عن نشاطك زي ما بتحكي لمصمم شاطر، وخد لحد 30 تصميم جاهز للنشر بكل المقاسات، بلوجوك وألوانك وأرقام تواصلك. من غير قوالب متكررة، ومن غير ما تتعلم أي برنامج.
زي ما بتشتغل مع وكالة… بس في دقايق
البريف
مسؤول الحساب بيسألك عن نشاطك وخدماتك وعرضك وفريقك: أسئلة قليلة بكروت جاهزة، وتقدر تكتب بكلامك.
خطة البوستات
بيقترح خطة: كل بوست عن إيه، ولمين، وبأنهي مقاس. تعدّل فيها اللي عايزه، وتوافق.
التصاميم والتعديل
التصاميم تطلع مرة واحدة بهويتك. عدّل بالكلام أو بإيدك، ونزّل الكل ZIP ومعاه الكابشن.
بريف كامل زي الوكالات، من غير اجتماعات
قبل أي تصميم، مسؤول حساب ذكي بيفهم نشاطك: الخدمات والأسعار، الفريق، العرض، وبيانات التواصل. كل ده بيبني عليه خطة بوستات توافق عليها، فالتصاميم تطلع في الصميم من أول مرة.
- بيسأل اللي ناقص بس، وبيفهم الباقي من كلامك
- الأسعار والعروض بتظهر على البوستات بس لو إنت سمحت
- بيفتكر بيانات نشاطك، فمش هتعيد كل حاجة كل مرة
- البريف وخطة البوستات مجاناً، من غير كريدت
الخدمات والأسعار
الفريق
العرض
خصم 30% على التبييض لحد آخر الشهر
هويتك ثابتة في كل تصميم
ارفع اللوجو مرة واحدة، وكل تصميم يطلع بألوانه وروحه. البراند بتاعك يفضل هو هو، من أول بوست لآخر ستوري.
- الألوان بتتسحب من اللوجو لوحدها، وتتوزع صح على التصاميم
- تختار مكان اللوجو وشكل شريط التواصل والأيقونات
- ارفع صورة ستايل، والمصمم يمشي على ألوانها وإحساسها
- التليفون وواتساب والموقع والعنوان على كل تصميم
الدكتور والمنتج… بأساميهم وفي مكانهم الصح
ضيف صورة الدكتور أو المنتج واكتب اسمه، واطلب «بوست يعرّف بالدكتور أحمد» أو «إطلاق الكريم الجديد». المصمم بيحطها في التصميم ويظبطها على كل مقاس.
- اكتب @ في طلبك عشان تشاور على أي صورة ضفتها
- اللوجو، والشخصيات، والمنتجات، والأماكن، والستايل: كل نوع ليه مكانه
- صورة الشخص مبتتخزنش عندنا، بتروح للتصميم بس
عدّل بالكلام… أو بإيدك
اكتب «خلي الخلفيات أغمق» أو «كبّر اللوجو» والتعديل يتطبّق على كل التصاميم مرة واحدة. ولو حابب، دوس على أي تصميم وحرّك عناصره وغيّر الكلام عليه.
- اكتب «التصميم 3» عشان التعديل يبقى على تصميم واحد بس
- الأوامر الشائعة بتتنفذ في لحظتها ومن غير كريدت
- «اعمل 4 كمان» يزوّد تصاميم بنفس الروح
14 مقاس… من غير ما حاجة تتقص
بوست وستوري وريلز وأغلفة وبانرات وصورة بروفايل وإعلانات. كل مقاس عارف المناطق اللي المنصة بتغطيها أو بتقصها، فالكلام واللوجو دايماً في أمان.
- باقات جاهزة: فيسبوك، إنستجرام، إعلانات ممولة، إطلاق براند، يوتيوب، لينكدإن
- حدّد عدد كل مقاس: 5 بوست مربع و5 طولي و2 ستوري مثلاً
جاهز للنشر على طول
نزّل كل تصميم PNG بالدقة اللي تحتاجها، أو الكل مرة واحدة ZIP متقسّم بالمقاسات ومعاه الكابشن والهاشتاجات. أو ابعته للتقويم وجدوله على فيسبوك وإنستجرام من غير ما تنزّل حاجة.
اعرف أكتر عن النشر والجدولةتفاصيل بتفرق في الشغل اليومي
بوسترات مرسومة بالذكاء الاصطناعي
الصورة والعنوان العربي والمؤثرات مرسومين مع بعض بمعايير الوكالات، مش كلام محطوط على خلفية.
خطوط عربية مدروسة
أنماط كتابة عربية مستوحاة من أقوى تصاميم السوق، بتتغير حسب نوع البوست وجمهوره.
اختصارات جاهزة
النشاط والعرض والمناسبة بضغطة، تتكتب في طلبك على طول من غير ما تفكر في الصياغة.
المناسبات والمواسم
رمضان والعيد والجمعة البيضاء والافتتاحات، بكلام وروح تناسب كل مناسبة.
كابشن وهاشتاجات
كل تصميم معاه كابشن جاهز للنشر وهاشتاجات مناسبة لنشاطك ومكانك.
جودة بتتراجع قبل ما تشوفها
المنصة بتراجع كل تصميم: الكلام مقروء، واللوجو واضح، ومفيش حاجة خارجة عن المقاس.
المحرك السريع من غير حساب
جرّب وصمّم ونزّل من غير تسجيل: المحرك السريع بيشتغل على جهازك في ثواني.
مشاريعك محفوظة
محادثات التصميم بتتحفظ على جهازك، وترجعلها وتكمّل منها في أي وقت.
لكل المجالات
عيادات ومطاعم وعقارات ومتاجر ومدرسين، وأي نشاط تحكي عنه بكلامك.
إيه الفرق بين المحرك السريع والمصمم الذكي؟
المحرك السريع بيشتغل على جهازك من غير حساب، وبيطلّع تصاميم مدروسة في ثواني. المصمم الذكي (بحساب) بيكتب أفكار ونصوص وكابشن مخصوصين لنشاطك، ويرسم كل تصميم بالذكاء الاصطناعي بخط عربي وإضاءة وتفاصيل زي الوكالات.
التصميم الواحد بيكلّف كام؟
التصميم الكامل بالذكاء الاصطناعي بـ3 كريدت: الفكرة والكلام والكابشن بـ1 كريدت، ورسم البوستر بـ2 كريدت. والتعديل بالشات بـربع كريدت، والبريف مجاناً. والكريدت بيرجع لو أي حاجة ماكملتش.
أقدر أستخدم التصاميم في إعلانات ممولة؟
أكيد، التصاميم بتاعتك. اختار باقة «إعلانات ممولة» عشان تطلع بالمقاسات اللي ميتا بتطلبها، وتقدر تعمل منها إعلان من الإعلانات الممولة على طول.
العربي بيطلع مظبوط في التصاميم؟
المنصة معمولة للعربي من الأول: الخطوط والاتجاه وصياغة الكلام بالعامية أو بالفصحى. ولو لاحظت كلمة مش مظبوطة في بوستر، اطلب تعديلها أو غيّر الكلام بإيدك.
التصاميم ملكي ولا ملككم؟
ملكك. التصاميم اللي بتعملها بتستخدمها في نشاطك زي ما تحب، على السوشيال أو في الإعلانات أو المطبوعات. التفاصيل في الشروط والأحكام.
أدوات شغالة مع بعض بنفس الهوية
جاهز تشوف براندك بشكل احترافي؟
ابدأ مجاناً في أقل من دقيقة بحساب جوجل، وخد كريدت هدية تجرّب بيه المصمم الذكي والمونتاج.
من غير بطاقة دفع · كريدت هدية عند التسجيل · مفيش اشتراك إجباري