صوّر وإنت بتتكلم… والريلز تطلع جاهزة
ارفع الفيديو الخام زي ما اتصوّر، والمونتاج الذكي يفرّغ الكلام، ويشيل الإعادات والسكوت، ويختار أقوى المقاطع، ويطلّع منها كذا ريل 9:16 بكابشن عربي متحرك ولوجو وبيانات تواصل بألوان براندك.
ونتيجة من أول مرة
من فيديو خام لريلز جاهزة في 3 خطوات
ارفع الفيديو
لقطة واحدة أو أكتر من الموبايل، ومعاهم صور لو حابب تظهر في الريل. اكتب لو عايز تركّز على موضوع معيّن.
الذكاء الاصطناعي يشتغل
يفرّغ الكلام، ويشيل الإعادات والسكوت، ويختار أقوى المقاطع، ويقطّعها لكذا ريل كل واحد ليه فكرة.
راجع وانشر
الريلز بتطلع بالكابشن واللوجو وشريط التواصل. نزّلها، أو جدولها على فيسبوك وإنستجرام، أو اعمل منها إعلان.
بيشيل الإعادات والسكوت… لوحده
الدكتور بيعيد الجملة تلات مرات، وبيسكت يفكر، وبيقول «إمم» كتير؟ عادي. المونتاج الذكي بيسمع الفيديو كله، ويختار أحسن مرة اتقالت فيها كل جملة، ويشيل اللي ملوش لازمة.
- أحسن نسخة من كل جملة اتقالت أكتر من مرة
- السكوت والتردد بيتشالوا من غير ما الكلام يتقطع
- لو اتصوّرت على كذا لقطة، بتتجمّع بالترتيب كأنها فيديو واحد
الفيديو الخام · 7:42
4 ريلز · 0:45 لكل واحد
كابشن عربي كلمة بكلمة، بألوان براندك
أغلب الناس بتتفرج على الريلز من غير صوت. عشان كده الكلام بيظهر كلمة بكلمة مع صوت الدكتور، والكلمة اللي بتتقال عليها كبسولة بلون البراند، فالعين تفضل متابعة لآخر الريل.
- متزامن مع الكلام بالملّي، ومكتوب بالعامية زي ما اتقال
- بخط واضح وفي مكان بعيد عن أزرار المنصة
- اللوجو وشريط التواصل بألوان البراند كيت
التبييض مش بيضرّ الأسنان
وبيخلّص في جلسة واحدة بس
احجز دلوقتي
عناوين وأرقام بتتحرك… مع الكلام
لما الدكتور يقول «جلسة واحدة» أو «خصم 30%»، الرقم يطلع جنبه في نفس اللحظة. المونتاج بيختار اللحظات المهمة في الكلام، ويحط عليها حركات معمولة بإيد مصممين بألوان براندك، من غير ما تغطي وش المتكلم.
- الذكاء الاصطناعي بيختار اللحظة، والحركة نفسها مصممة مسبقاً بمعايير عالية
- أرقام وعناوين وقوايم وكروت متزامنة مع الصوت
- الكلام ممكن يظهر ورا المتكلم زي إعلانات التلفزيون
ونتيجة من أول مرة 30%خصم على التبييض
لحد آخر الشهر
صوت نضيف ومزيكا بتعرف إمتى توطّي
صوت التكييف والشارع بيتشال، وصوت الدكتور بيبقى واضح. ولو اخترت مزيكا هادية، بتوطّي لوحدها وقت الكلام وتعلى بين الجمل، ومعاها أصوات خفيفة للانتقالات.
- تنقية الصوت من الدوشة والصدى
- مزيكا هادية أو من غير، على حسب ذوقك
- خاتمة باللوجو بلمعة احترافية في آخر كل ريل
قبلدوشة وصدى
بعدصوت نضيف
المزيكابتوطّي وقت الكلام
مونتاج بتاع وكالة، في كل ريل
زووم ناعم
تقريب وتبعيد هادي على الوش في اللحظات المهمة، عشان الريل يفضل حي من غير ما يزغلل.
صور توضيحية فوق الكلام
ارفع صور (قبل وبعد، العيادة، المنتج) واكتب تظهر إمتى، أو سيب المونتاج يختار المكان الصح.
إضاءات وبوكيه
لمسات ضوء ناعمة وانتقالات خفيفة تدّي الفيديو إحساس الإنتاج الاحترافي.
كذا ريل من فيديو واحد
فيديو 10 دقايق ممكن يطلع منه 4 أو 5 ريلز، كل واحد بفكرة كاملة وبداية قوية.
بهوية البراند كيت
اللوجو والألوان وبيانات التواصل بتتسحب من البراند كيت، فكل ريلز العيادة شبه بعض.
اقفل الصفحة وارجع
المونتاج بيبدأ على جهازك عشان يبقى أسرع، ولو قفلت الصفحة السيرفر بيكمّل، وبنقولك أول ما الريلز تجهز.
من المونتاج للنشر
جدول أي ريل على فيسبوك وإنستجرام من التقويم، بكابشن مكتوب بالذكاء الاصطناعي.
اعمل منه إعلان
الريل اللي عجبك، روّجه كإعلان ممول من غير ما ترفعه تاني في أي مكان.
الفيديو الخام بيتمسح
الفيديو الأصلي بيتمسح أول ما المونتاج يخلص، والريلز بتفضل متاحة ليك تنزّلها وتنشرها.
الفيديو لازم يتصوّر إزاي؟
صوّر بالموبايل عادي، ويفضّل يكون رأسي والضوء قدامك مش وراك، والموبايل ثابت وقريب من مستوى عينك. اتكلم براحتك، وكرّر الجملة لو حسيت إنها ماطلعتش حلوة: المونتاج هيختار أحسن مرة.
أقدر أرفع فيديو طويل؟
أيوه، لحد 20 دقيقة للفيديو الواحد. وتقدر ترفع كذا لقطة مرة واحدة وتتجمّع بالترتيب. فيديو 7 دقايق بياخد تقريباً من نص ساعة لساعة، وتقدر تقفل الصفحة وترجع.
الريل بيكلّف كام؟
الريل الجاهز بـ3 كريدت. لما تبدأ المونتاج بنحجز كريدت الريلز المتوقعة، ولما يخلص بنخصم اللي طلع بس والباقي بيرجع لرصيدك.
أقدر أعدّل الريل بعد ما يطلع؟
اكتب في الشات اللي عايزه قبل ما تبدأ (موضوع تركّز عليه، صور تظهر في وقت معيّن، من غير مزيكا…) والمونتاج يمشي عليه. ولو ريل ماعجبكش، اطلب مونتاج تاني بتوجيه مختلف.
مين يقدر يشوف فيديوهاتي؟
إنت بس. الفيديو بيترفع مباشرة على تخزين مؤمّن بلينك مؤقت، والفيديو الخام بيتمسح أول ما المونتاج يخلص. التفاصيل في سياسة الخصوصية.
أدوات شغالة مع بعض بنفس الهوية
جاهز تشوف براندك بشكل احترافي؟
ابدأ مجاناً في أقل من دقيقة بحساب جوجل، وخد كريدت هدية تجرّب بيه المصمم الذكي والمونتاج.
من غير بطاقة دفع · كريدت هدية عند التسجيل · مفيش اشتراك إجباري