إزاي نقدر نساعدك؟

منصة تسويق بالذكاء الاصطناعي للبيزنس العربي: بتصمّم بوستات السوشيال بهوية براندك، وبتحوّل فيديوهاتك لريلز جاهزة، وبتنشرها وتجدولها على فيسبوك وإنستجرام، وبتجهّز إعلاناتك الممولة على ميتا. كله من محادثة بالعربي.

لأ خالص. بتحكي بكلامك زي ما بتحكي لمصمم أو مسوّق، والمنصة بتسألك اللي ناقص بس، وتنفّذ. ولو عايز تعدّل حاجة، قولها بالكلام.

لو بتبيع خدمة أو منتج على السوشيال، أيوه. المنصة معمولة للعيادات والمراكز الطبية، والمطاعم والكافيهات، والعقارات، والمتاجر، والمدرسين، والجيمات، والصالونات، والوكالات. شوف الحلول حسب المجال.

أيوه، المنصة شغالة من المتصفح على الموبايل واللابتوب من غير ما تنزّل أي برنامج.

المنصة معمولة للعربي أساساً، بالعامية المصرية أو بالفصحى حسب جمهورك. ولو محتاج كلمات أو أسماء إنجليزي في التصميم، اكتبها في طلبك.

من صفحة التسجيل: دوس «المتابعة باستخدام Google» وتبقى جاهز في ثواني، أو سجّل بإيميلك وباسورد وأكّد الإيميل بكود من 6 أرقام.

آمن، ومش بنشوف باسورد جوجل أبداً. جوجل بيأكدلنا إيميلك واسمك بس، والدخول بيتم بمعايير OAuth الرسمية بحماية إضافية ضد التلاعب.

أيوه. لو إيميل جوجل هو نفس إيميل حسابك، الدخول بجوجل بيفتح نفس الحساب بنفس الرصيد والبيانات.

من صفحة الدخول دوس «نسيت الباسورد؟»، وهنبعتلك كود على إيميلك تغيّر بيه الباسورد. وتغيير الباسورد بيخرّجك من كل الأجهزة التانية للأمان.

بص في فولدر الـ Spam أو العروض. ولو مالقيتهوش، تقدر تطلب كود جديد بعد دقيقة.

أيوه، المحرك السريع والتحميل شغالين من غير حساب. الحساب محتاجه للمصمم الذكي والمونتاج والنشر والإعلانات، وبتاخد معاه كريدت هدية.

لحد 30 تصميم في الطلب الواحد، موزّعين على المقاسات اللي تختارها. مثلاً 5 بوست مربع و5 طولي و2 ستوري.

14 مقاس: بوست مربع 1:1، وبوست طولي 4:5، وجريد إنستجرام 3:4، وبن بنترست 2:3، وستوري وريلز 9:16، وبوست عرضي وإعلان، ويوتيوب و X، وغلاف جروب وغلاف صفحة فيسبوك، وهيدر X، وبانر لينكدإن وغلاف شركة لينكدإن، وبانر قناة يوتيوب، وصورة بروفايل.

أيوه. ارفع اللوجو وألوانه بتتسحب منه لوحدها، وبيانات التواصل بتتحط على كل تصميم. وتقدر تختار مكان اللوجو وشكل شريط التواصل.

أيوه. من زرار + في خانة الكتابة ضيف شخصيات ومنتجات وأماكن، واكتب اسم كل واحد، وشاور عليه في طلبك بـ @.

كل تصميم بينزل PNG بدقة HD أو 2K أو 4K، أو الكل مرة واحدة ZIP متقسّم بالمقاسات ومعاه الكابشن والهاشتاجات. أو ابعته للتقويم وجدوله على طول.

أيوه، التصاميم اللي بتعملها بتستخدمها في نشاطك زي ما تحب. التفاصيل في الشروط والأحكام.

بيفرّغ الكلام، ويشيل الإعادات والسكوت، ويختار أقوى المقاطع ويطلّع منها كذا ريل 9:16، بكابشن عربي متحرك كلمة بكلمة، وزووم ناعم، ولوجو وشريط تواصل بألوان براندك، وصوت متنقّي، ومزيكا هادية لو حابب.

بالموبايل عادي، ويفضّل رأسي والضوء قدامك، والموبايل ثابت. اتكلم براحتك وكرّر الجملة لو مش عاجباك، والمونتاج هيختار أحسن مرة.

لحد 20 دقيقة للفيديو الواحد. وتقدر ترفع كذا لقطة مرة واحدة وتتجمّع بالترتيب.

فيديو 7 دقايق بياخد تقريباً من نص ساعة لساعة. تقدر تقفل الصفحة وترجع، والشغل بيكمّل على السيرفر.

أيوه. ارفع الصور مع الفيديو واكتب كل صورة تظهر إمتى (مثلاً «صورة قبل وبعد لما الدكتور يتكلم عن النتيجة»)، أو سيب المونتاج يختار.

صفحات فيسبوك وحسابات إنستجرام البيزنس والكرييتور. وتقدر تنزّل أي تصميم أو ريل وتنشره بنفسك على أي منصة تانية.

لحد 60 يوم قدام. والبوست بينزل في معاده بالظبط حتى لو جهازك مقفول.

لأ. مفيش بوست بينزل إلا اللي إنت جدولته بنفسك، على الحسابات اللي إنت اخترتها.

لو العطل مؤقت عند ميتا بنجرّب تاني لوحدنا لحد 3 مرات. ولو محتاج تدخّل منك، البوست بيتعلّم وبنقولك تعمل إيه.

صفحة فيسبوك وحساب إعلانات على ميتا عليه وسيلة دفع، تربطهم من الإعدادات مرة واحدة.

إنت، لميتا مباشرة من حساب الإعلانات بتاعك. إحنا مش بنلمس فلوس الإعلانات، والشات بس اللي بيتحسب بالكريدت.

لأ. بتوافق على أقصى صرف للحملة كلها قبل التشغيل، ولو الأرقام اتغيّرت بنطلب موافقتك تاني. وتقدر توقف أو تنهي الحملة في أي وقت.

رسايل من عملاء (واتساب وماسنجر ودايركت)، ومكالمات، وزيارات للموقع، وعملاء محتملين بفورم، وتفاعل على البوست، ومتابعين للصفحة، ومشاهدات للفيديو، ووصول لأكبر عدد.

كل خدمة ليها عدد كريدت ثابت: التصميم الكامل بـ3 كريدت، والريل الجاهز بـ3 كريدت، والكابشن بـربع كريدت، والتعديل بالشات بـربع كريدت. والبريف وتحليل البراند والجدولة مجاناً. كل الأسعار في صفحة الأسعار.

20 كريدت هدية أول ما تأكد حسابك (أو تدخل بجوجل)، تجرّب بيهم المصمم الذكي والمونتاج.

كلّمنا من صفحة التواصل واختار «الكريدت والدفع»، وفريقنا هيساعدك.

لأ، الكريدت بيرجع لرصيدك لوحده. والطلب المتكرر بنفس التفاصيل مش بيتحسب مرتين.

أيوه. الباسورد متخزّن بتشفير مايترجعش، وتوكنات فيسبوك وإنستجرام متشفّرة، وأرقام التليفونات والعناوين مبتتبعتش للذكاء الاصطناعي. التفاصيل في سياسة الخصوصية.

إنت بس. مشاريع التصميم محفوظة على جهازك، والفيديو الخام بيتمسح أول ما المونتاج يخلص.

من صفحة مسح البيانات، أو كلّمنا من صفحة التواصل.