الشهر كله متجدول… وإنت مرتاح
اربط صفحة فيسبوك وحساب إنستجرام مرة واحدة، وجدول بوستاتك وريلزك على تقويم واحد بكابشن مكتوب بالذكاء الاصطناعي. كل بوست بينزل لوحده في معاده، وتعرف حالته أول بأول.
اربط حساباتك مرة واحدة، بأمان
بتدخل على فيسبوك بنفسك وتختار الصفحات وحسابات إنستجرام اللي عايز تنشر عليها. إحنا عمرنا ما بنشوف الباسورد بتاعك، وتقدر تفصل الربط في أي وقت.
- بنطلب الصلاحيات اللازمة للنشر بس، ومحدش بيشوفها غيرك
- توكنات حساباتك متشفّرة عندنا، حتى في سجلات السيستم
- لو الربط احتاج يتجدد، بنقولك قبل ما بوست يفوّت معاده
الحسابات المربوطة
كابشن لكل منصة، مكتوب بلغة عملاءك
بضغطة واحدة، الذكاء الاصطناعي يكتبلك كابشن فيسبوك وكابشن إنستجرام والهاشتاجات، بالأسماء والتخصص من البراند كيت. ورقم التليفون والعنوان بيتضافوا صح من غير ما يتبعتوا للذكاء الاصطناعي.
- كابشن مختلف لكل منصة بالطول والأسلوب المناسب ليها
- لحد 30 هاشتاج لإنستجرام، مختارين لنشاطك ومكانك
- تعدّل في الكلام براحتك قبل ما تجدول
كابشن بالذكاء الاصطناعي
احجز دلوقتي: 0100 123 4567 📍المعادي
#تبييض_الأسنان #عيادة_أسنان #المعادي
كل بوست، حالته قدامك
متجدول، بيتنشر، اتنشر، أو ماكملش: كل بوست بلونه على التقويم، ومعاه لينكه بعد ما ينزل. ولو حصل عطل مؤقت عند ميتا، بنجرّب تاني لوحدنا.
- اسحب البوست لمعاد تاني، أو دوس عليه تعدّله
- ألغي البوست على حساب واحد بس وسيبه على التاني
- البوست اللي اتقطع نشره بنعلّمه عشان تتأكد بنفسك، ومش بنكرره لوحدنا
من التصميم أو المونتاج… للتقويم على طول
التصاميم اللي عملتها والريلز اللي طلعت من المونتاج بتروح للتقويم من غير ما تنزّلها وترفعها تاني. والبوست اللي جاب تفاعل، حوّله لإعلان ممول من نفس المكان.
اعرف أكتر عن الإعلانات الممولةمعمول عشان تنشر بثقة
يوم وأسبوع وشهر وقايمة
شوف خطة الشهر كلها مرة واحدة، أو ركّز على أسبوع أو يوم بالساعة، أو اعرض الـ 30 يوم الجايين كقايمة.
صور وريلز
انشر التصاميم كبوست صورة، والريلز من المونتاج كريل على فيسبوك وإنستجرام.
مواعيد بتوقيتك
اختار اليوم والساعة بتوقيتك، والمنصة تنشر في المعاد بالظبط حتى لو جهازك مقفول.
لينك كل بوست
بعد النشر، لينك البوست على فيسبوك أو إنستجرام بيظهر عندك تفتحه بضغطة.
حدود آمنة
عدد معقول من البوستات في اليوم لكل حساب، عشان صفحتك تفضل في أمان مع ميتا.
الإعلانات على نفس التقويم
الحملات الممولة بتظهر على التقويم بمدتها وصرفها، جنب البوستات العادية.
محتاج إيه عشان أربط إنستجرام؟
حساب إنستجرام بيزنس أو كرييتور، مربوط بصفحة فيسبوك. لو لسه مش مربوطين، الربط بياخد دقيقة من إعدادات إنستجرام، وإحنا بنوضحلك الخطوات وقت الربط.
ممكن حاجة تتنشر من غير ما أوافق؟
لأ. مفيش بوست بينزل إلا اللي إنت جدولته بنفسك، على الحسابات اللي إنت اخترتها. وتقدر تلغي أو تأجّل أي بوست لحد ما يتنشر.
لو النشر فشل بيحصل إيه؟
لو العطل مؤقت عند ميتا، بنجرّب تاني لوحدنا لحد 3 مرات. ولو المشكلة محتاجة تدخّل منك (الربط انتهى مثلاً)، البوست بيتعلّم وبنقولك تعمل إيه.
الكابشن بيكلّف كام؟
كابشن فيسبوك وكابشن إنستجرام والهاشتاجات مع بعض بـربع كريدت. والجدولة والنشر نفسهم من غير كريدت.
أقدر أفصل حساباتي وأمسح بياناتي؟
أيوه، من الإعدادات تفصل أي حساب في أي وقت، ومن صفحة مسح البيانات تطلب مسح كل حاجة.
أدوات شغالة مع بعض بنفس الهوية
جاهز تشوف براندك بشكل احترافي؟
ابدأ مجاناً في أقل من دقيقة بحساب جوجل، وخد كريدت هدية تجرّب بيه المصمم الذكي والمونتاج.
من غير بطاقة دفع · كريدت هدية عند التسجيل · مفيش اشتراك إجباري